Last Updated on अप्रिल 12, 2023 by Neelam Singh
सारांश
भिडियो केन्द्रीत सामाजिक संजाल टिकटकमा सावरसुप नामक वनस्पतीबारे तयार पारिएको सामग्री भेटिएको छ । एक महिलाले सावरसुप फल टिपेको दृश्यसहित गरिएको उक्त दाबीसहितको सामग्रीमा भनिएको छ- ‘सावरसुप खाउँ क्यानसर भगाउँ’ । हामीले तथ्य जाँच गर्यौं र पत्ता लगायौं कि दावी झूटो छ।
दाबी
2019.shiv bantawa rai नामक टिकटक आइडीमा पोस्ट गरिएको उक्त सामग्रीमा सावरसुप फलले क्यान्सरको उपचार गर्ने दाबी गरिएको छ ।
दाबीसहितको प्रस्तुत सामग्रीमा करिब १ हजार टिकटक प्रयोगकर्ताले रियाक्ट गरिसकेका छन् भने दाबीसहितको सामग्रीलाई सेयर गर्ने टिकटक प्रयोगकर्ताको संख्या २० भन्दा बढी रहेको छ । मानवस्वास्थ्यसँग जोडिएको विषय भएका प्रस्तुत सामग्रीमाथि हामीले तथ्यजाँच गरेका छौँ ।
तथ्य जाँच
सावरसुप के हो?
सावरसुप उष्णकटिबन्धीय र उपोष्णकटिबन्धीय क्षेत्रहरूमा उब्जिने अन्नोना मुरिकटा रूखको फल हो । सावरसुपलाई ग्राभियोला, गुआनाबाना, गुआबानो, ब्राजिलियन पन्वा र कस्टर्ड एप्पल पनि भनिन्छ।
के सावरसुपले क्यान्सर निको पार्छ?
जाँचका क्रममा हामीले फेला पारेका वैज्ञानिक प्रमाणहरूले उक्त फलमा साइटोटोक्सिक प्रभाव रहेको र क्यान्सर कोशिकाहरूलाई मार्न सक्ने गुण रहेको उल्लेख गरेका छन् तर फेला परेको अनुसन्धानले शरीरमा फैलिसकेका क्यान्सर कोशिकाहरूलाई सावरसुप फलले नष्ट गर्ने विषयमा कुनै व्याख्या गरेको छैन ।
क्यान्सर रोगीमाथि गरिने वैज्ञानिक उपचारबाट क्यान्सर कोशिकाहरूलाई मार्न सकिन्छ, ती कोशिकाको फैलावट रोक्न सकिन्छ र नयाँ बन्ने क्यान्सर कोशिकाहरूको संयोजनलाई रोक्न सकिन्छ । तर, सावरसुप फलको सेवनले उल्लेखित सबै काम गर्न सक्छ भन्ने दाबी वैज्ञानिक रुपमा पुष्टि हुँदैन ।
सन् २०१५ मा प्रकाशित एउटा लेखमा पनि यही कुरा उल्लेख गरिएको छ । उक्त लेखका अनुसार सावरसुपको प्रयोगशाला अध्ययनमा आशाजनक नतिजाहरू देखिएको छ तर यसले क्यान्सरको उपचारको औषधीका रूपमा काम गर्छ भन्ने कुनै प्रमाण छैन । तसर्थ, यसबाट के प्रष्ट हुन्छ भने क्यान्सरलाई सावरसुप फलले निको पार्छ भन्ने कुनै वैज्ञानिक आधार छैन ।
हामीले सावरसुप फल अधिक मात्रमा प्रयोग गर्दा हुने भविश्यमा हुने असरहरुको बारेमा पनि जाँच गर्नै जमर्को गर्यौँ । केही अनुसन्धानहरुले उक्त फल धेरै मात्रामा सेवन गरियो भने पार्किन्सन रोगसँग मिल्दाजुल्दा लक्षणहरू देखा पर्नेसमेत चेतावनी दिएका छन् ।
पार्किन्सन रोग एक मस्तिष्कमा हुने असर हो, जसले अनपेक्षित वा अनियन्त्रितपना निम्त्याउँछ। शरीर हल्लिने, कक्रक्क हुने र शारीरिक सन्तुलन मिलाउन नसकिने लक्षिण यस रोग लाग्दा देखिन्छ।
This Fact Check is published under a collaborative newsroom effort with Newschecker. You can read more about the collaboration here.
Disclaimer: Medical Science is an ever evolving field. We strive to keep this page updated. In case you notice any discrepancy in the content, please inform us at [email protected]. You can futher read our Correction Policy here. Never disregard professional medical advice or delay seeking medical treatment because of something you have read on or accessed through this website or it's social media channels. Read our Full Disclaimer Here for further information.
