सारांश
थाइराइडको समस्या र घरेलु उपचारसँग सम्बन्धित एउटा सामग्री सामाजिक संजालमा फेला परेको छ । उक्त सामग्रीमा घर वरपरका वनजंगलमा पाइने च्याउले थाइराइडको समस्या निको पार्ने दाबी गरिएको छ। हामीले दावीको अनुसन्धान गर्दा यो गलत भएको पायौं
दाबी
Jagat Pokhrel नामक टिकटक आइडीमा च्याउको तस्बिर पोस्ट गरिएको छ । साथै तस्बिरको क्याप्सनमा लेखिएको छ- ‘थाइराइडको घरेलु उपचारमा उपयोगी तपाईं हाम्रो घर वरपरका वनजंगलमा पाइने बस्तु ।’
के वन जंगलमा पाइने च्याउको प्रयोग थाइराइड समस्याको लागि उपयोगी हुन्छ त? वास्तविकता पत्ता लगाउन हामीले तथ्यजाँच गरेका छौँ ।
तथ्य जाँच
के जंगल वा बगैंचामा पाइने जंगली च्याउले थाइराइडका लागि फाइदा गर्छ?
जंगल वा बगैंचामा पाइने जंगली च्याउ, विशेष गरी अज्ञात च्याउले थाइराइड ग्रंथिको लागि कुनै फाइदा पुर्याउँछ भन्ने दाबीलाई प्रमाणित गर्ने कुनै वैज्ञानिक वा चिकित्सा प्रमाण छैन ।
थाइराइड ग्रन्थिलाई राम्रोसँग काम गर्न कुन–कुन पोषक तत्व आवश्यक पर्छन्?
थाइराइड एक जटिल हार्मोन-नियमन गर्ने अंग हो । यसलाई राम्रोसँग काम गर्न आयोडिन, सेलेनियम र जिंक जस्ता विशिष्ट पोषक तत्वहरू चाहिन्छ । यी पोषक तत्वहरू समुद्री खाना, बदाम, दुग्धजन्य पदार्थ र अण्डा जस्ता राम्ररी अध्ययन गरिएका खानाहरूमा पाइन्छ ।
के सबै जंगली च्याउ सुरक्षित हुन्छन्?
अर्कोतर्फ जंगलमा अधिकांश च्याउहरु पूर्ण रूपमा विषाक्त हुन्छन् । उदाहरणका लागि, सेतो दागहरू भएको प्रसिद्ध रातो च्याउ, अमानिता मस्कारियाले मानव शरीरलाई क्षति गर्न सक्छन् । यसले वाकवाकी, भ्रम, दौरा र केही अवस्थामा मृत्यु पनि निम्त्याउन सक्छ । कुनै पनि अज्ञात जंगली च्याउको सेवन गर्नू भनेको उच्च जोखिम निम्त्याउनु हो ।
शिताके, माइटाके र ओइस्टर जस्ता च्याउहरू किन सुरक्षित मानिन्छन्?
शिताके, माइटाके र ओइस्टर जस्ता च्याउहरू खानका लागि सुरक्षित छन् । यी च्याउहरु एन्टिअक्सिडेन्ट, भिटामिन बी र सेलेनियमसहित पोषक तत्वहरूले भरिपूर्ण छन् । खनिज यद्यपी, खाद्य च्याउहरू खेती गरेर नियन्त्रित वातावरणमा उब्जाइन्छन् । जंगली वा रातो-क्याप भएका च्याउहरू रूखको जरा वा ओसिलो भागमा अनियमित रूपले देखा पर्छन् ।
के खाद्य च्याउहरूले थाइराइडको उपचार गर्न सक्छन्?
खाद्य प्रजातिका च्याउहरूले थाइराइड स्वास्थ्यलाई सन्तुलित आहारको रुपमा फाइदा गर्न सक्छन् । तर यो तरकारीले आफैँमा ‘औषधि वा उपचार’को काम गर्दैन । प्रकृतिमा उम्रने सबै कुरा उपभोगको लागि हुँदैनन्, औषधिको रूपमा त परै जाओस् ।
थाइराइड समस्याको उपचारमा जंगली जडीबुटी वा च्याउको प्रयोग खतरनाक हुनसक्छ । त्यसैले जंगली च्याउलाई कहिल्यै पनि घरेलु औषधिको रुपमा सेवन गर्नुहुँदैन । थाइराइड समस्याको उपचारका लागि प्रमाणित चिकित्सा उपचार खोज्नु उपयुक्त हुन्छ ।
This Fact Check is published under a collaborative newsroom effort with Newschecker. You can read more about the collaboration here.
Disclaimer: Medical Science is an ever evolving field. We strive to keep this page updated. In case you notice any discrepancy in the content, please inform us at [email protected]. You can futher read our Correction Policy here. Never disregard professional medical advice or delay seeking medical treatment because of something you have read on or accessed through this website or it's social media channels. Read our Full Disclaimer Here for further information.
